CM ਕੈਪਟਨ ਦਾ ਵੱਡਾ ਐਲਾਨ, ਜਿਸ ਪਿੰਡ ‘ਚ ਹੋਵੇਗਾ 100% ਟੀਕਾਕਰਣ, ਦਿੱਤੀ ਜਾਵੇਗੀ 10 ਲੱਖ ਦੀ ਗ੍ਰਾਂਟ
ਚੰਡੀਗੜ੍ਹ : ਪੰਜਾਬ ਦੇ ਕਈ ਪਿੰਡਾਂ ‘ਚ ਕੋਰੋਨਾ ਵੈਕਸੀਨ ਲਗਵਾਉਣ ਤੋਂ ਲੋਕ ਕਤਰਾ ਰਹੇ ਹਨ। ਉਥੇ ਹੀ ਸੀਐਮ ਕੈਪਟਨ ਅਮਰਿੰਦਰ ਸਿੰਘ ਨੇ ਪਿੰਡਾਂ ‘ਚ ਟੀਕਾਕਰਣ ਮੁਹਿੰਮ ਤੇਜ਼ ਕਰਣ ਲਈ ਕੋਰੋਨਾ ਮੁਕਤ ਪਿੰਡ ਮੁਹਿੰਮ ਸ਼ੁਰੂ ਕੀਤੀ ਹੈ। ਜਿਸਦੇ ਤਹਿਤ ਜੋ ਪਿੰਡ 100 ਫ਼ੀਸਦੀ ਟੀਕਾਕਰਣ ਕਰ ਲਵੇਗਾ, ਉਸਨੂੰ 10 ਲੱਖ ਰੁਪਏ ਦੀ ਗ੍ਰਾਂਟ ਦਿੱਤੀ ਜਾਵੇਗੀ।
ਮੁੱਖਮੰਤਰੀ ਨੇ ਸੂਬੇ ਭਰ ਦੇ ਸਰਪੰਚਾਂ ਅਤੇ ਮੈਂਬਰਾਂ ਨੂੰ ਕੋਵਿਡ ਦੇ ਖਿਲਾਫ ਲੜਾਈ ‘ਚ ਆਪਣੇ ਪਿੰਡਾਂ ਦਾ ਅਗਵਾਈ ਕਰਨ ਦੀ ਅਪੀਲ ਕਰਦੇ ਹੋਏ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਹਲਕੇ ਲੱਛਣਾਂ ਦੇ ਮਾਮਲੇ ‘ਚ ਵੀ ਲੋਕਾਂ ਨੂੰ ਜਾਂਚ ਕਰਵਾਉਣ ਲਈ ਪ੍ਰੇਰਿਤ ਕਰਨ ਅਤੇ ਖੁਦ ਨੂੰ ਟੀਕਾ ਲਗਵਾਉਣ।
ਮੁੱਖ ਮੰਤਰੀ ਨੇ ਕੋਰੋਨਾ ਦੇ ਨੁਕਸਾਨਦਾਇਕ ਪ੍ਰਭਾਵਾਂ ਦੇ ਬਾਰੇ ‘ਚ ਪੇਂਡੂ ਆਬਾਦੀ ਨੂੰ ਸੰਵੇਦਨਸ਼ੀਲ ਬਣਾਉਣ ਦੀ ਲੋੜ ਅਤੇ ਕੀਮਤੀ ਜੀਵਨ ਨੂੰ ਬਚਾਉਣ ਲਈ ਜ਼ਲਦੀ ਪਹਿਚਾਣ ਅਤੇ ਇਲਾਜ਼ ਨੂੰ ਮਹੱਤਵ ਦਿੰਦੇ ਹੋਏ ਕਿਹਾ ਕਿ ਇਹ ਕੇਵਲ ਵਿਸ਼ੇਸ਼ ਜਾਗਰੂਕਤਾ ਅਭਿਆਨਾਂ ਦੇ ਮਾਧਿਅਮ ਨਾਲ ਹੀ ਕੀਤਾ ਜਾ ਸਕਦਾ ਹੈ।
ਉਨ੍ਹਾਂ ਨੇ ਪੰਚਾਇਤਾਂ ਨੂੰ ਵਿਸ਼ੇਸ਼ ਡਾਕਟਰੀ ਇਲਾਜ਼ ਆਯੋਜਿਤ ਕਰਨ ਅਤੇ ਸਾਬਕਾ ਸੈਨਿਕਾਂ ਦੀਆਂ ਸੇਵਾਵਾਂ ‘ਚ ਸ਼ਾਮਿਲ ਹੋਣ ਲਈ ਕਿਹਾ, ਜਿਨ੍ਹਾਂ ਨੇ ਆਪਣੇ ਸਰਗਰਮ ਸੇਵਾ ਕਰੀਅਰ ਦੇ ਦੌਰਾਨ ਕਈ ਲੜਾਈਆਂ ਲੜੀਆਂ ਸਨ ਅਤੇ ਹੁਣ ਮਹਾਮਾਰੀ ਦੇ ਖਿਲਾਫ ਸੂਬੇ ਦੀ ਲੜਾਈ ਦਾ ਹਿੱਸਾ ਸਨ।
